Bloggleti í gangi.  Þar sem að ég neita að ræða blessað efnahagsástandið þá virðist ekki vera mikið eftir til að tala um eða hvað?

Á ég að blogga um tónlist?  Anna er þessa stundina á útgáfutónleikum með Sprengjuhöllinni.  Ég er að fara á Sigur Rós á sunnudaginn í næstu viku, hlakka ógeðslega mikið til, enda eru þeir "bestir á balli" eins og skáldið sagði...

Fótbolta?  Liverpool eru efstir í deildinni ásamt Chelsea, efast um að einhver muni eftir því hvenær við vorum efstir í nóvember síðast.  Vonandi náum við að halda þetta út en ég er mjög bjartsýnn...

Vinnuna?  Við í skemmtinefnd SG vorum með Hrekkavökuviku í síðustu viku sem heppnaðist hræðilega vel og talaði engin um kreppuna, sem var frábær tilbreyting.  Hrekkjavökuvikunni var svo slúttað með alvöru hrekkjavökuballi í SG þar sem að The Scary Monster Band lék fyrir dansi, minn spilaði á bassann, í fyrsta skiptið en Hreimur spilaði á gítarinn...

Bíó?  Er ekki skylda að sjá Bond í bíó?  Ætlaði líka að sjá Reykjavík - Rotterdam en einhvern vegin gengur það ekki upp...

Mat?  SG fólkinu er boðið í Perluna á fimmtudaginn.  Samkvæmt heimasíðu Perlunnar er villibráðahlaðborð, það hljómar vel...

Nei annars ég hef ekkert af viti að segja, þannig að ég sleppi því bara...

Bendi svo áhugasömum á það eru komnar nýjar myndir í myndaalbúið Ástu og Bjarka, ekki margar en nokkrar, kreppan virðist hafa áhrif víða...